எதிர்க்குரல்: பிரிட்டிஷ் சென்சஸ் - நாத்திகத்தால் அசைக்க முடியா இஸ்லாம்

Tuesday, December 18, 2012

பிரிட்டிஷ் சென்சஸ் - நாத்திகத்தால் அசைக்க முடியா இஸ்லாம்

நம் அனைவர் மீதும் எல்லாம் வல்ல இறைவனின் சாந்தியும் சமாதானமும் நிலவுவதாக...ஆமீன்.

இங்கிலாந்து மற்றும் வேல்ஸ் பகுதிகளுக்கான புதிய மக்கட்தொகை கணக்கெடுப்பை (2001 - 2011), பிரிட்டன் அரசாங்கம் சில நாட்களுக்கு முன்பாக வெளியிட்டுள்ளது. வெளியிடப்பட்ட நாளில் இருந்து இதுக்குறித்த செய்திகளால் மேற்கத்திய ஊடகங்கள் அல்லோலப்படுகின்றன.

ஏன் என்ற கேள்விக்கு, பல ஆச்சர்யமூட்டும் செய்திகள் இதில் அடங்கியிருக்கின்றன என்பதே பதில்.

வரலாறு முழுவதுமே நாத்திகத்திற்கு பெரும் சவாலாக இருந்துள்ளது இஸ்லாம். அல்லது, வேறு வார்த்தைகளை போட்டு சொல்ல வேண்டுமென்றால் நாத்திகத்தால் இஸ்லாமிற்கு எந்த காலத்திலும் பாதிப்பு வந்ததில்லை. இந்த உண்மையை சமீபத்திய பிரிட்டிஷ் சென்சசும் நிரூபித்துள்ளது.

கடந்த பத்து ஆண்டுகளில் (2001 - 2011) நாத்திகத்தை எதிர்க்கொண்டு அபாரமான வளர்ச்சியை கண்டுள்ளது இஸ்லாம். இந்த கணக்கெடுப்பு மூலமாக, பிரிட்டனில் வேகமாய் வளரும் மார்க்கம் இஸ்லாம் என்பது உறுதிசெய்யப்பட்டுள்ளது. பல ஊடங்களும் இஸ்லாமின் வளர்ச்சியை முன்னிலைப்படுத்தியே செய்திகளை வெளியிடுகின்றன.

மேலே கூறியதை ஆழமாக புரிந்துக்கொள்ள சென்சஸ் தகவல்களுக்கு இப்போது செல்வோம்.

பிரிட்டனின் மொத்த மக்கட்தொகை 2001-2011 காலக்கட்டத்தில் 7% அதிகரித்து 5.6 கோடியாக உள்ளது.

பிரிட்டனை பொருத்தமட்டில், அதிக மக்களால் பின்பற்றப்படும் மதம் என்றால் அது கிருத்துவம் தான். ஆனால் கிருத்துவத்துவர்களின் எண்ணிக்கை 2001-ஆம் ஆண்டு சென்சசை காட்டிலும் கணிசமாக குறைந்துள்ளது. 2001-ல் 3.7 கோடியாக இருந்த கிருத்துவ மக்களின் எண்ணிக்கை தற்போது நாற்பது லட்சம் குறைந்து 3.3 கோடியாக உள்ளது. சதவித கணக்கில் சொல்லப்போனால் 71%-மாக இருந்த கிருத்துவர்களின் எண்ணிக்கை தற்போது 59%-மாக குறைந்துள்ளது.

இது ஆய்வாளர்களுக்கு பலத்த ஆச்சர்யத்தை தந்துள்ளது.

அதே நேரம், நாத்திகர்களின் எண்ணிக்கை கணிசமாக உயர்ந்துள்ளது. 2001-ல் 14%-மாக இருந்த நாத்திகர்களின் எண்ணிக்கை இப்போது 25%-மாக உயர்ந்துள்ளது. ஆக, பிரிட்டன் மக்கட்தொகையில் நான்கில் ஒருவர் நாத்திகர்.

கிருத்துவர்களின் எண்ணிக்கை குறைந்ததற்கு காரணம், இப்போதெல்லாம் கலாச்சாரம் சார்ந்து தங்களை கிருத்துவர்கள் என்று அடையாளப்படுத்துவோர் குறைந்துள்ளதாக இங்கிலாந்து சர்ச் உறுப்பினர்கள் தெரிவித்துள்ளனர்.

கிறித்துவத்தின் வீழ்ச்சிக்கும், நாத்திகத்தின் வளர்ச்சிக்கும் ரிச்சர்ட் டாகின்ஸ் போன்றவர்களுக்கு பெரும் பங்கிருப்பதாக கருதப்படுகின்றது.

இங்கு தான், ஆய்வாளர்களை வியப்பூட்டும் அந்த செய்தி வருகின்றது. ரிச்சர்ட் டாகின்ஸ் போன்றவர்களால் முஸ்லிம்களின் இறைநம்பிக்கையில் எந்தவொரு குழப்பத்தையும் ஏற்படுத்த முடியவில்லை என்று பிரபல "டெய்லி மெயில்" ஊடகம் செய்தி வெளியிட்டுள்ளது.

ஏன் என்பதற்கு சென்சஸ் தகவல்களை பார்த்தால் விடை சொல்லிவிடலாம்.

பிரிட்டன் முஸ்லிம்களின் மக்கட்தொகை கடந்த பத்து ஆண்டுகளில் இரு மடங்கு அதிகரித்துள்ளது. 2001-ல் 15 லட்சமாக இருந்த முஸ்லிம் மக்களின் எண்ணிக்கை 12 லட்சம் அதிகரித்து தற்போது 27 லட்சமாக உயர்ந்துள்ளது. சதவித கணக்கில் சொல்ல வேண்டுமானால் 2001-ல் 3%-மாக இருந்த முஸ்லிம்கள் இப்போது சுமார் 5% இருக்கின்றனர். இஸ்லாமின் இந்த வளர்ச்சி மற்ற எந்த மார்க்கத்தை விடவும் மிக அதிகமாகும். இதனாலேயே 'பிரிட்டனில் வேகமாய் வளரும் மார்க்கம் இஸ்லாம்' என ஊடகங்கள் தலையங்கம் வெளியிடுகின்றன.

இந்த செய்தி குறித்து பிரிட்டிஷ் முஸ்லிம் கவுன்சில் மகிழ்ச்சி வெளியிட்டுள்ளது. பிரிட்டனின் பன்முகத்தன்மையில் முஸ்லிம்களின் பங்கு குறிப்பிடத்தக்கது என்று இந்த ஆய்வு நிரூபித்துள்ளதாக அது மேலும் தெரிவித்துள்ளது.

முஸ்லிம் மக்கட்தொகை அதிகரிப்பு மேலும் பல முக்கிய விசயங்களுக்கு வழிவகுத்துள்ளது. முஸ்லிம்களின் எண்ணிக்கை அதிகரித்துள்ளதால், இனி ஈத் விடுமுறைகள் குறித்தும், ரமலான் மாதம் அணுகப்படும்விதம் குறித்தும், பள்ளிகளில் இஸ்லாம் போதிக்கப்படும்விதம் குறித்தும் சிந்திக்கப்பட வேண்டியது அவசியம் என்று கூறியுள்ளார் இஸ்லாம்-கிருத்துவ மன்றத்தின் தலைவரான ஜூலியன் பான்ட்.

இப்படியான அபார வளர்ச்சிக்கு தெளிவான காரணங்கள் அலசப்படவில்லை. குடியேற்றம் (Immigration) ஒரு காரணமாக இருக்கலாம் என்று யூகிக்கப்பட்டாலும், கடந்த சில வருடங்களாக பிரிட்டனில் வெளியாகும் ஆய்வுகள் இஸ்லாமை ஏற்பவர்களின் எண்ணிக்கை பலமாக உயர்ந்துள்ளதாக தெரிவிக்கின்றன. உதாரணமாக, சென்ற ஆண்டு, பிரபல 'தி இன்டிபண்டன்ட்' ஊடகம் 'இஸ்லாமிய மயமாகும் பிரிட்டன்' என்று செய்தி வெளியிட்டது கவனிக்கப்பட வேண்டியது (பார்க்க <<இங்கே>> மற்றும் <<இங்கே>>).

இப்போது இந்த பதிவின் தலைப்புக்கு வருவோம்.

சில மாதங்களுக்கு முன்பு தான், கடந்த பத்து ஆண்டுகளில் 16 லட்சம் அதிகரித்து, அமெரிக்காவில் வேகமாய் வளரும் மார்க்கம் இஸ்லாம் என்ற ஆய்வு முடிவுகள் வெளிவந்தன (பார்க்க <<இங்கே>>).

இப்போது பிரிட்டனிலும் அதே நிலைமை உருவாகியிருப்பது குறித்து டெய்லி மெயில் ஊடகம் கருத்து தெரிவிக்கும் போது, 'பிரிட்டன் வாழ்க்கையில் இருந்து கிருத்துவத்தை வெளியேற்ற உற்சாகமாக செயல்படும் நாத்திகர்கள், தங்களின் இச்செயல் இஸ்லாமிற்கான காலியிடத்தை மட்டுமே உருவாக்கியுள்ளதை உணர்ந்துக்கொள்வார்கள். இஸ்லாம் என்னும் நம்பிக்கையை ரிச்சர்ட் டாகின்ஸ்சால் ஒன்றுமே செய்ய முடியவில்லை' என்று தெரிவித்துள்ளது.

You struck the nail on head regarding dawkins dear DAILY MAIL. :-) :-)

நீங்க முஸ்லிமல்லாதவரா? குர்ஆனில் அப்படி என்ன தான் இருக்கின்றதென்று பார்க்க விருப்பமா? aashiq.ahamed.14@gmail.com என்ற முகவரிக்கு மெயில் அனுப்புங்கள். குர்ஆன் தமிழ் மொழிப்பெயர்ப்பை மின்னூல் வடிவில் பெற்றுக்கொள்ளுங்கள்.

இறைவன் நம் அனைவரையும் நேர்வழியில் நிலைநிறுத்துவானாக...ஆமீன்.

இறைவனே எல்லாம் அறிந்தவன்.

Download census report at:

1. Office of National Statistics. link

Picture taken from:

1st Picture - Page 1 of census report

2nd Picture - Page 7 of Census report

References:

1. British Census: Islam Fastest-Growing Faith in England; Christians Drop to 59% of Population - CNS News, 12th Dec 2012. link

2. Christians could be minority by 2018, census analysis reveals - The guardian. 11th Dec 2012. link
3. Alien nation: The new census reveals a Britain that would be unrecognisable even to our grandparents - Daily Mail, 15th Dec 2012. link

வஸ்ஸலாம்,

உங்கள் சகோதரன்,

ஆஷிக் அஹமத் அ

51 comments:

faizeejamaliTuesday, December 18, 2012
Excellent article
ReplyDelete
Replies
சிராஜ்Tuesday, December 18, 2012
அல்ஹம்துலில்லாஹ்....

மிக அருமையானா செய்தி... சொர்க்கத்திற்கு செல்லும் சகோக்களின் எண்ணிக்கை கூடிக்கொண்டு இருக்கிறது..

இவ்வுலகில் இருக்கும் அனைத்து சகோதர, சகோதரிகளும் சத்திய இஸ்லாத்தை ஏற்று சொர்க்கம் செல்லும் மக்களாக ஆக இறைவன் அருள் செய்வானாக...
ReplyDelete
Replies
Jafarullah IsmailTuesday, December 18, 2012
ஜஸாக்கல்லாஹ் கைர். அற்புதமான தகவல்.
ReplyDelete
Replies
suvanappiriyanTuesday, December 18, 2012
சலாம் சகோ!

அழகிய பதிவு. இஸ்லாத்தின் மகிமைகள் நாளுக்கு நாள் கூடிக் கொண்டே செல்கிறது. அல்ஹம்துலில்லாஹ்!
ReplyDelete
Replies
UnknownTuesday, December 18, 2012
very gud.
ReplyDelete
Replies
AdminTuesday, December 18, 2012
அல்ஹம்துலில்லாஹ்....
ReplyDelete
Replies
சார்வாகன்Tuesday, December 18, 2012
நண்பர் ஆஜிக்,
நல்ல நகைச்சுவை பதிவு,

மூமின் பெரும்பானமை நாடுகளில் நிலவும் வன்முறை,வறுமை போன்ற்வற்றில் இருந்து தப்ப மேலை நாடுகளுக்கு முஸ்லிம்கள் புலம் பெயர்வது இயல்பான விடயம். எப்படியாவது அமெரிக்க ,ஐரோப்பிய நாடுகளில் இடம் கிடைப்பது சுவனத்தில் இடம் கிடப்பதை விட சிறப்பானது என உணர்ந்தே இருக்கின்றனர். இது தவறும் இல்லை.
அமெரிக்க மேலை நாட்டு சட்டங்கள் ஷரியா போல் பாரபட்சமில்லாதவை . இஸ்லாமியர்களின் தொகை உயர்வுக்கு காரணம் அதிக குழந்தைகள் பெறுவதும் ,புலம் பெயர்வதுமே!! ஆகவே மூமின்களின் தொகை அதிகரிப்பு, குடும்ப கட்டுப்பாட்டின் அவசியத்தை வலியுறுத்துகிறது.. பாகிஸ்தான், வங்க தேசம் ஆகியவற்றில் இந்துக்களின் மக்கள் தொகை குறைவதையும் சொல்லலாம்.
http://en.wikipedia.org/wiki/Hinduism_in_Pakistan

**
எனினும் உலக மக்கள் தொகையில் ஆயிரத்தில் ஒருவர்தான் சுவனம் செல்ல முடியும் என நபி(சல்) ஹதிதில் கூறிவிட்டார். ஆகவே உலக மக்கள் தொகையான 700 கோடியில் 70 இலட்சம் மட்டுமே செல்ல முடியும்.
குடியுரிமை காஃபிர்கள் மூமின்களுக்கு பாவ, பரிதாபப் பட்டு கொடுக்கலாம்.ஆனால் அல்லாஹ் சுவனம் 999/1000 பேருக்கு கொடுப்பது இல்லை.
3348. இறைத்தூதர்(ஸல்) அவர்கள் கூறினார்கள்:
அல்லாஹ் (மறுமை நாளில்) ஆதம்(அலை) அவர்களை நோக்கி, 'ஆதமே!" என்பான். அதற்கு அவர்கள், 'இதோ! வந்துவிட்டேன். கட்டளையிடு! காத்திருக்கிறேன். நலம் அனைத்தும் உன் கரங்களில் தான்" என்று கூறுவார்கள். அப்போது அல்லாஹ், 'நீங்கள் நரகத்திற்குச் செல்லவிருப்பவர்களை (மற்றவர்களிலிருந்து) தனியாகப் பிரித்திடுங்கள். என்று கூறுவான். ஆதம்(அலை) அவர்கள், 'எத்தனை நரகவாசிகளை?' என்று கேட்பார்கள். அதற்கு அவன், 'ஒவ்வோர் ஆயிரம் பேரிலிருந்தும் தொள்ளாயிரத்துத தொண்ணுற்றொன்பது பேரை (வெளியே கொண்டு வாருங்கள்)" என்று பதிலளிப்பான். இப்படி அவன் கூறும் வேளையில் (அங்கு நிலவும் பயங்கர சூழ்நிலையின் காரணத்தால்) சிறுவன் கூட நரைத்து (மூப்படைந்து) விடுவான்; கர்ப்பமுற்ற பெண் ஒவ்வொருத்தியும் கர்ப்பத்தைப் (பீதியின் காரணத்தால் அரைகுறையாகப்) பிரசவித்து விடுவாள். மக்களை (அச்சத்தால்) போதையுற்றவர்களாக நீங்கள் காண்பீர்கள். ஆனால், அவர்கள் (உண்மையிலேயே மதுவால்) போதையுற்றிருக்க மாட்டார்கள். ஆனால், அல்லாஹ்வின் வேதனை கடுமையானதாகும்" (இவ்வாறு நபியவர்கள் கூறியதும்) உடனே மக்கள், 'இறைத்தூதர் அவர்களே! நரகத்திலிருந்து (வெளியே கொண்டு வரப்படாத) அந்த ஒரு நபர் எங்களில் யார்?' என்று கேட்டார்கள். நபி(ஸல்) அவர்கள், 'நற்செய்தி பெற்று மகிழுங்கள்! உங்களில் ஒருவருக்கு யஃஜூஜ் மஃஜூஜ் கூட்டத்தினரில் ஓராயிரம் பேர் (நரகத்திலிருந்து வெளியேறாமல் அதனுள்) இருப்பார்கள். பிறகு, என் உயிரைத் தன் கையில் வைத்திருப்பவன் மீது சத்தியமாக! நீங்கள் சொர்க்கவாசிகளில் கால் பங்கினராக இருக்கவேண்டும் என்று விரும்புகிறேன் என்று கூறினார்கள். உடனே, நாங்கள் (இந்த மகிழ்ச்சியூட்டும் நற்செய்தியைக் கேட்டு) 'அல்லாஹுஅக்பர் (அல்லாஹ் மிகப் பெரியவன்)" என்று விரும்புகிறேன் என்று கூறினார்கள். உடனே, நாங்கள் (இந்த மகிழ்ச்சியூட்டும் நற்செய்தியைக் கேட்டு) 'அல்லாஹு அக்பர் (அல்லாஹ் மிகப் பெரியவன்)" என்று கூறினோம். உடனே அவர்கள், 'சொர்க்கவாசிகளில் நீங்கள் மூன்றில் ஒரு பங்கினராக இருக்க வேண்டும் என்று விரும்புகிறேன்" என்று கூறினார்கள். நாங்கள் (மீண்டும் மகிழ்ச்சியால்) 'அல்லாஹ் அக்பர்" என்று கூறினோம். அவர்கள், 'சொர்க்கவாசிகளில் பாதித் தொகையினராக நீங்கள் இருக்க வேண்டும் என்று விரும்புகிறேன்" என்று கூறினார்கள். நாங்கள் (இப்போதும்), 'அல்லாஹு அக்பர்" என்று கூறினோம். அப்போது அவர்கள், 'நீங்கள் (மஹ்ஷர் மைதானத்தில் கூடியிருக்கும்) மக்களில் வெண்ணிறக் காளையின் மேனியில் உள்ள கருப்பு முடியைப் போன்றே இருப்பீர்கள். அல்லது கருநிறக் காளையின் மேனியிலுள்ள வெள்ளை முடியைப் போன்றே (மொத்த மக்களில் குறைந்த எண்ணிக்கையில்) இருப்பீர்கள்" என்று கூறினார்கள்.
என அபூ ஸயீத் அல் குத்ரீ(ரலி) அறிவித்தார்.
Volume :4 Book :60
மூமின்கள் பெரும்பானமை நாடுகளில் காஃபிர்கள் இரண்டாம் தரக் குடிமக்களாய் நடத்தினாலும், காஃபிர் பெரும்பானமை நாடுகளில் அனைவரும் சரிசமமே!!
காஃபிர்களே மிகைத்தவர்கள்!!
டிஸ்கி: சீக்கிரம் பரிணாம எதிர்ப்பு பதிவு போடவும்,போரடிக்கிறது!!
நன்றி!!
ReplyDelete
Replies
NasarTuesday, December 18, 2012
அஸ்ஸலாம் அலைக்கும் ...சகோ

எதிர்பார்க்கப்பட்ட நல்ல தகவல் இதில்
ஆச்சிரியப்படுவதற்கு ஒன்றுமில்லை
உலக மயமாக்கல் பண்டமாற்றுவதட்குதானா ..!!!
இஸ்லாமிற்கு அந்த தகுதியில்லையா...!!!!
ஆம் ...இருக்கிறது என்று பிரிட்டன் சொல்கிறதே ..
இன்னும் ஒரு பத்து வருடங்களில் அதாவது அடுத்த
சென்சசில் பிரிட்டனில் 'கிறிஸ்டியானிட்டி' 'மைனாரிட்டி'
ஆகும் என்று தகவல் ....
You struck the nail on head regarding dawkins dear DAILY MAIL. :-) :-)
ஏன் பாய் டாகின்ஸ் மேல இவ்வளவு கொலவெறி ....ஹா ஹா --
ReplyDelete
Replies
AnonymousTuesday, December 18, 2012
உங்களை மாற்றவே முடியாது ஏனென்றால் பிறந்தது முதலே காட்டுமிராண்டி பொம்மை போலேவே வளர்ந்து விடுகிறீர்கள் / வளர்த்துவிடுகிரார்கள். அதோடு கணக்கில்லாமல் பெற்று கொள்கிறீர்கள் அதனால் உங்கள் மக்கள் தொகையும் அளவுக்கு அதிகமாக வளர்ந்துவிடுகிறது. இதுதான் உண்மை.
ReplyDelete
Replies
NasarTuesday, December 18, 2012
@ ஆஷிக் பாய்
** எனக்கு என்னங்க கொலைவெறி டாவ்கின்ஸ் மேல. அவர் யுக்தி முஸ்லிம்கள் கிட்ட பலிக்கல. அவ்ளோதான் :-) **
கரெக்ட் ....சரியா சொன்னிங்க ...முஸ்லிம்களிடம் விவாதம் செய்யமாட்டேன்,சபதம் எடுத்துவிட்டேன் என்று சகோ சார்வாகனின் காட் ஃபாதர் டாகின்ஸ் ஜகா வாங்கும் போது இவர் எம்மாத்திரம் ....!?
மகரிஷி வவ்வால் கொஞ்ச நாளா கானோம் ,எங்கே போய்ட்டார் ??
தெரிந்தவர்கள் சொல்லுங்கப்பா .....
ReplyDelete
Replies
aaaWednesday, December 19, 2012
அல்ஹம்துலில்லாஹ்....
மிக அருமையானா செய்தி.
ReplyDelete
Replies
Islamiclinks.weeblyWednesday, December 19, 2012
அல்ஹம்துலில்லாஹ்...
ReplyDelete
Replies
Umm OmarWednesday, December 19, 2012
அஸ் ஸலாமு அலைக்கும் ஆஷிக்,

வழக்கம் போல அருமையான பதிவு, அசைக்கமுடியா புள்ளிவிவரங்கள். மாஷா அல்லாஹ், பகிர்ந்தமைக்கு மிக்க நன்றி. :)
ReplyDelete
Replies
நந்தன்Thursday, December 20, 2012
ஆமாம் இசுலாம் வேகமாக வளர்ந்து வருகிறது. சன்னி, ஷியா, அகமதியா, பஞ்சகுட்டி, விரலை ஆட்டும் கூட்டம் என்று மிக வேகமாக 72 கூட்டத்தை எட்டிப்பிடிக்க வளர்ந்துகொண்டே இருக்கிறது. நல்லா தண்ணி ஊத்தி வளருங்கள்.
ReplyDelete
Replies
UnknownThursday, December 20, 2012
இறைவனின் சாந்தியும், சமாதானமும் தங்கள் மீது என்றென்றும் நிலவட்டுமாக

மாஷா அல்லாஹ் அருமையான பதிவு ஆஷிக் அண்ணா...

---இஸ்லாம் என்னும் நம்பிக்கையை ரிச்சர்ட் டாகின்ஸ்சால் ஒன்றுமே செய்ய முடியவில்லை'---

தம் வாய்களைக் கொண்டே அல்லாஹ்வின் ஒளியை (ஊதி) அனைத்துவிட அவர்கள் விரும்புகிறார்கள் – ஆனால் காஃபிர்கள் (நிராகரிப்பவர்கள்) வெறுத்த போதிலும் அல்லாஹ் தன் ஒளியை பூர்த்தியாக்கி வைக்காமல் இருக்க மாட்டான். (அல்குர்ஆன்: 9:32)
ReplyDelete
Replies
UnknownSunday, December 23, 2012
Jazakallahu haiyr,,,,,,, For your article...
ReplyDelete
Replies
mohamedTuesday, December 25, 2012
சலாம் சகோ ஆஷிக்,

மாஷா அல்லாஹ் கலக்கல் பதிவு.இவ்வாறு படு வேகமாக இஸ்லாம் மேற்கத்திய நாடுகளில் வளர்ந்தால்

இன்ஷா அல்லாஹ் வரும் காலங்களில் மேற்கத்திய நாடுகளின் ஆட்சி இஸ்லாமியர்களின் கையில்.

ReplyDelete
Replies
AnonymousTuesday, December 25, 2012
Message from your friend.

http://www.aljazeera.com/programmes/general/2012/12/2012121791038231381.html

- Shueib
ReplyDelete
Replies
UnknownThursday, December 27, 2012
சலாம் சகோ.ஆசிக் அஹ்மத்

இஸ்லாமிய வளர்ச்சியை ஆதாரப்பூர்வமாக அருமையாக சொல்லியுள்ளீர்கள்..பாருங்கள் நமது சார்வாகனின் வைத்தெரிச்சலை..அதிக குழந்தை பெறுவதுதான் வளர்ச்சிக்கு காரணம் என அத்வானி மாதிரி பேசுகிறார்.. சார்வகனும் இனி வதவதவென குழந்தைகளை பெற்றுக்கொண்டு நாத்திகம் வளர்ந்து விட்டது என காட்டுவாரோ என அஞ்சுகிறேன்.. மிகவும் மகிழ்ச்சி சகோ...சார்வகனை இல்லாமல் ஆக்குவதற்கு நீங்கள் ஒருவரே போதும் என நினைக்கிறேன்...மனுஷன் அப்பிடி ஓடுறாரு..அடுத்த ஒலிம்பிக்ல இந்தியாவுக்கு கோல்ட் மெடல் கன்பார்ம்...

சகோ...அப்பறம் நாஸ்டர்டாம் பற்றி ஒரு பதிவு போடுங்களேன்....
ReplyDelete
Replies
ashfa mowlanaThursday, December 27, 2012
அஸ்ஸலாமு அலைக்கும்!
இஸ்லாமிய எதிர்ப்புவாதிகளின் சதிக்கும், வன்மையை தீர்க்கும் வீடியோக்களிற்கும் மத்தியில் இந்தளவு வளர்ச்சி உண்மையிலே ஆச்சர்யமான தகவல்தான்.
அல்லாஹ் தன் கூற்றை மெய்ப்பிக்கிறான், அல்லாஹு அக்பர்!
ReplyDelete
Replies
திருவாளப்புத்தூர் முஸ்லீம்Friday, January 04, 2013
SALAM,

நாத்திகம் மண்ணை கவ்விக்கொண்டு இருக்கிறது என்பது கண்கூடான உண்மை.தகவல்கள் அனைத்தும் என்னை ஆச்சரியத்தில் ஆழ்த்திவிட்டது..வெகு நாட்களாக ஏன் புது பதிவுகள் இல்லை சகோ?

என் தளத்தில் இன்று:முஸ்லிம் பதிவர்கள் சாதித்து கிழித்தது என்ன?
tvpmuslim.blogspot.com

ReplyDelete
Replies
Aashiq AhamedFriday, January 04, 2013
வாங்க மதுரைத்தமிழன்,

அஸ்ஸலாமு அலைக்கும். தங்களின் பிரார்த்தனைக்கு நன்றி.
ReplyDelete
Replies
Aashiq AhamedFriday, January 04, 2013
வ அலைக்கும் சலாம் திருவாளப்புத்தூர் முஸ்லிம்,

தொடர்ச்சியான ஊக்கத்திற்கு நன்றி சகோ.

//.வெகு நாட்களாக ஏன் புது பதிவுகள் இல்லை சகோ?//

குடும்ப மற்றும் அலுவலக வேளைகளில் பிஸியாக இருப்பதால் நேரப்பிரச்சனை. இன்ஷா அல்லாஹ் நேரம் கிடைக்க துவா செய்யுங்க சகோ.

வஸ்ஸலாம்...
ReplyDelete
Replies
UnknownTuesday, January 08, 2013
அஸ்ஸலாமு அழைக்கும் சகோ ...
உங்களுக்கு அறிமுகம் தேவை இல்லை மாஷா அல்லா ...நான் நன்மையை கொள்ளைஅடிக்க இன்று வலைச்சரத்தில் உங்களை குறிபிட்டுள்ளேன் ஏக இறைவன் நம் அனைவருக்கும் நல்ல வழியை காட்டுவானாக ஆமின் ,,,நேரம் இருந்தால் வந்து பாருங்கள் இங்கே http://blogintamil.blogspot.com/2013/01/2516.html
ReplyDelete
Replies
AnonymousTuesday, January 08, 2013
அஸ்ஸலாமு அலைக்கும்!

இன்று 8.01,2012 உங்களின் படைப்பு வலைச்சரத்தில் வெளிவந்துள்ளது அருமையான படைப்பு நேரம் கிடைக்கும் போது நம்ம பக்கமும் வாருங்கள் அண்ணா வாழ்த்துக்கள்

-நன்றி-
-அன்புடன்-
-ரூபன்-
ReplyDelete
Replies
LAWYER JIFRISunday, January 13, 2013
Dear Ashik brother...welldone ur job...am a new commender of ur block but am following ur posts past 1 year like against ehiyist...may almighty vavs gud place on u at jennath...insha allah
Assalamu alaikum...
ReplyDelete
Replies

Add comment

Pages

Tuesday, December 18, 2012

பிரிட்டிஷ் சென்சஸ் - நாத்திகத்தால் அசைக்க முடியா இஸ்லாம்

51 comments: